«Хизбуллоҳ» раҳбари Найм Қосим Исроил қўшинларини Жанубий Ливан ҳудудидан чиқариш муддатини узайтириш имкониятини қатъиян рад этди. Ушбу баёнот Исроил ўзининг белгиланган 60 кунлик муддатидан кўпроқ вақт қолишга қарор қилганидан сўнг айтилди.
«Исроил қўшинларини олиб чиқиш учун белгиланган муддатдан кейин нима бўлади? Исроил кетиши керак, чунки 60 кун муддати тугади. Биз ҳеч қандай кечикишни, бир дақиқага бўлса ҳам, қабул қилмаймиз», - деди Қосим телевидение орқали қилган мурожаатида.
Қосимнинг маълумотларига кўра, АҚШ дастлаб Ливан ҳукуматига келишувни 28 февралгача узайтиришни таклиф қилган, аммо рад жавоби олган. Натижада, вақтинча Ливан Бош вазири Нажиб Микати фақат 18 февралгача сулҳни узайтиришга рози бўлди.
💬 «Ливанда ҳеч ким Исроил қўшинларининг бир дақиқага бўлса ҳам қолишини қабул қилмайди. Исроил кетиши керак», - деди Қосим, қўшимча қилиб, «қўшинларнинг кечикишидан келиб чиқадиган ҳар қандай оқибат учун БМТ, АҚШ, Франция ва Исроил масъул бўлади» деб таъкидлади.
Озарбайжон самолётига ким ўқ узгани аниқланди
Бу ҳафта қор ёғиши кутилмоқда
Расман: Ўзбекистанда 1 апрелдан электр энергияси нархлари ошади
