Хитойда контейнер ташийдиган юк машинасининг енгил автобомилга қулаши оқибатида автомобилдаги йўловчилар жабрланмади. Бу ҳақда Asia One нашри ёзмоқда.
Маҳаллий ОАВнинг хабар беришича, зарба автомобилни том маънода йўлда текислаб юборган. Воқеа жиддийлигига қарамай, машина ичидаги икки йўловчи "ҳатто тирналган ҳам йўқ". Улар машина конструкциясига илиниб қолган ва ўзлари ташқарига чиқа олмаган.
Маълум қилинишича, контейнер ичида 30 тоннага яқин ёғоч тахталар бўлган. Шунинг учун юк машинасини кўтариш учун иккита кранни чақириш керак бўлди. Шундан сўнг, эзилган машина йўловчилари касалхонага етказилган, шифокорлар улар жароҳат олмаганини тасдиқлашган.
Воқеа бўйича ўтказилган суриштирув ҳодисага контейнер ташувчи машина ҳайдовчиси сабаб бўлганини кўрсатди. У тўхташ ўрнига чорраҳадан ўтишга қарор қилди.
