Хитойда одамсимон робот аспирантурага қабул қилинди (видео)

Хитойда биринчи марта инсонсимон робот аспирантурага драма ва кино йўналиши бўйича қабул қилинди.

27 июль куни Хитойнинг етакчи санъат мактабларидан бири Шанхай Театр Академияси Xueba 01 қурилмасини ўқитиш учун расман қабул қилинди. Бу ҳақда South China Morning Post газетаси хабар берди.

Xueba 01 Шанхай Фан ва Технология Университети томонидан DroidUp Robotics билан ҳамкорликда ишлаб чиқилган. Xueba - бу юқори баҳолари ва чуқур билими билан танилган аъло талаба учун машҳур хитойча жарангли сўз, деб ёзади нашр.

Гуманоид яратувчиларнинг сўзларига кўра, робот "хушбичим катта одам"га ўхшайди. Унинг баландлиги 175 см. У хитой тилида одамлар билан эркин мулоқот қилади ва одамнинг юз ифодаларини такрорлай олади.

Қурилма "анъанавий хитой операсига ихтисослашган" санъатни ўрганади ва дарслар 14 сентябрдан бошланиши кутилмоқда.

Газетанинг қайд этишича, роботни ўқитиш STAнинг санъат ва технологияни уйғунлаштиришга қаратилган тадқиқот лойиҳасининг бир қисмидир. Қурилма аллақачон виртуал талаба гувоҳномасини олган ва унинг устози Шанхайда таниқли профессор Ян Цинцин бўлади.

Робот саҳна кўриниши, сценарий ёзиш, сценография ва бошқа фанларни ўрганишни бошлайди.