Хитойча Windows ҳақида биласизми?

"Huawei" компанияси дунёдаги биринчи "Harmony OS" операцион тизимида ишловчи стол компьютерини яратишни якунлади. "Huawei Central" ихтисослашган портали ёзишича, унинг тақдимоти 2025 йил май ойида бўлиши кутилмоқда.

"Harmony OS" — бу "Huawei"нинг экотизимли операцион тизими бўлиб, унинг тақдимоти 2019 йил август ойида бўлиб ўтган. Илк бор у фақат смарт-телевизорлар учун мўлжалланган эди, аммо "Huawei" бошиданоқ ушбу тизимни барча ақлли қурилмаларига ўрнатиш мақсадини кўзлаган.

Ҳозирда "Huawei" ушбу тизим асосида фақат телевизорларгина эмас, балки смартфонлар ҳам ишлаб чиқармоқда, аммо ҳозирча у фақат Хитойда талабга эга.