Хитой ва Покистон ҳарбий ҳамкорликни чуқурлаштирмоқда

Хитой ва Покистон қуролли кучлари ўртасидаги ҳарбий ҳамкорлик даражаси муттасил ошиб боради ва минтақадаги стратегик мувозанат биргаликда таъминланади.

Бу ҳақда Покистон бош вазири Шаҳбоз Шарифнинг Хитойга ташрифи якунлари бўйича қўшма баёнотида айтилди.

Томонлар ҳарбий хизматчилар ўртасида олий даражадаги учрашувларни давом эттириш, қўшма машғулотлар ва ҳарбий-техник соҳадаги мавжуд ҳамкорликни янада ривожлантиришга келишиб олгани қайд этилди.

Хитой Халқ Республикаси ва Покистон расмийлари икки мамлакат армиялари ўртасида узоқ вақтдан бери сақланиб келаётган муносабатларнинг ишончли хусусиятидан мамнун экани таъкидланди.