Хитой Украинада тинчликпарварлик миссиясида иштирок этиши мумкин

Бу хақида Welt am Sonntag хабар берди.

Нашрнинг ёзишича, Хитой вакиллари Белгия пойтахтида норасмий маслаҳатлашувлар ўтказган. Улар Европа давлатлари бундай ташаббусга қандай муносабат билдириши мумкинлиги билан қизиққан.

Дипломатларнинг таъкидлашича, Хитойнинг иштирок этиши Россия учун тинчликпарварлик миссиясини мақбулроқ қилишга ёрдам бериши мумкин.

"Хитойнинг “истак билдирганлар коалицияси”га қўшилиши Россиянинг Украинада тинчликпарварлар мавжудлигига розилик бериш эҳтимолини ошириши мумкин", дейилади Брюсселдаги дипломатик доиралар баёнотида. Шу билан бирга, бу масала "ўта нозик" экани таъкидланган.