Хитой Туркияга ишонади

Хитой ташқи ишлар вазирлиги вақтинчалик иқтисодий қийинчиликлардан ўтишга Туркиянинг қудрати етишига ишонишини билдирди.

Жума куни берилган баёнотда Ташқи ишлар матбуот котиби Лу Канг: “Биз вақтинчалик иқтисодий қийинчиликлар устидан ғолиб келишга Туркия қодир эканига ишонамиз. Ва томонлар ораларидаги келишмовчиликларни мулоқот йўли билан ҳал қилишларига умид қиламиз”, деган.

У, Хитой охирги пайтларда Туркия иқтисодига қилинаётган ҳужумларни ва уларнинг ташқи алоқасини кузатиб бораётганига ишора қилди.

У ўз фикрларини айтаркан: “Туркия муҳим бозорга эга бўлган мамлакатдир ва Туркиянинг ривожланиши ва барқарорлиги минтақада тинчлик ва барқарорликка ҳисса қўшади. Хитой томони икки мамлакат ўртасида иқтисодиёт ва молия соҳасида ҳамкорликка доимо катта эътибор беради. Хитой икки томоннинг бозор тамойилларига мувофиқ имзоланган ҳамкорлик лойиҳаларини қўллаб-қувватлайди”, деб айтган.

Manba: azon. uz