Хитой Покистонга молиявий ёрдам ажратади

Куни кеча Покистон мамлакат валюта захирасини ва миллий валюта курси барқарорлигини қўллаб-қувватлаш учун кредит ажратиш бўйича Хитой банклари консорциуми билан келишувга эришганини маълум қилди

Жума куни Покистон давлат банки Хитой банклар консорциумидан 15 миллиард юан (2,3 миллиард доллар) кредит олиши ҳақидаги хабарни тасдиқлади. Бу ҳақда Покистон молия ва даромадлар вазири Мифтах Исмаил ижтимоий тармоқдаги саҳифасида маълум қилган.

"Шуни мамнуният билан маълум қилмоқчиманки, Хитой консорциумидан ажратилган 15 миллиард юан (Тахминан 2,3 миллиард доллар) миқдоридаги кредит Покистон давлат банкига ўтказилди, бу мамлакатимиз валюта захирасини мустаҳкамлайди", - деб ёзган Молия вазирлиги раҳбари.