Хитой Давлат кенгаши бош вазири Ли Цян Германия вице-канцлери, иқтисодиёт ва иқлимни муҳофаза қилиш вазири Роберт Хабек билан учрашишдан бош тортди.
Бу ҳақда Германия делегациясидаги манбаларга таяниб, “Welt” нашри маълум қилди, деб ёзади «Репорт».
«Вице-канцлер Роберт Хабек Хитойга ташрифи чоғида муҳим учрашувни бекор қилишга мажбур бўлди. Бош вазир Ли Цян билан шанба куни кутилаётган учрашув бўлиб ўтмайди», — деб ёзади нашр.
Жума куни Хитойга Пекин, Шанхай ва Ханчжоудаги ҳамкасблари билан учрашиш учун келган Хабек Ли билан учрашув нима учун бўлмаслиги ҳақида ҳеч қандай тасаввурга эга эмаслигини айтди.