Хитой “Америкадан узоқроқ юринг”

АҚШнинг Венесуэлада амалга оширган операциясининг асосий мақсадларидан бири Хитойга “Америкадан узоқроқ юринг” деган сигнални етказиш бўлган.

Бу ҳақда Reuters агентлиги Қўшма Штатлар расмийсига таяниб хабар бермоқда.

Агентлик манбасининг таъкидлашича, Пекин Венесуэлага имтиёзли нархларда нефт олиш эвазига кредитлар ва молиявий кўмак кўрсатиб келган давр "якунланган".

Reuters билан суҳбатлашган таҳлилчиларнинг фикрича, Мадуронинг қўлга олиниши Хитойнинг Ғарбий яримшардаги вазиятга таъсир ўтказиш имкониятлари чекланганини тасдиқлаган.