Голливуд юлдузи Жон Траволтанинг рафиқаси ҳаётининг 58-йилида вафот этди.
Маълумотларга кўра, Келли Престон кўкрак бези саратонига қарши икки йиллик муваффақиятсиз курашдан сўнг бу оламни тарк этган.
“Қалбимда минг оғриқ билан рафиқамнинг кўкрак бези саратонига қарши икки йиллик курашда енгилганлиги ҳақида хабар бермоқдаман. У кўплаб одамларнинг севгиси ва қўллаб-қувватлаши ила хасталикка қарши жасорат билан курашди. Менинг оилам ва мен шифокор ҳамда ҳамширалардан доимо миннатдормиз, ёрдам берган барча тиббий марказларга, шунингдек, унинг яқин дўстлари ва қариндошларига раҳмат айтаман”, деб ёзган актёр Инстаграмдаги саҳифасида.
