Хаби Алонсо АПЛ клубини бошқариши мумкин

«Челси» янги доимий бош мураббий излаш ишларини бошлади. Яқинда «пенсионерлар» Лиам Россеньор билан хайрлашишди — у Лондон клубида тахминан уч ой фаолият юритди.

The Telegraph нашрининг хабар беришича, «Челси»нинг муносиб номзод топиш бўйича ишлари ҳали бошланғич босқичда. Лондонликлар кўриб чиқаётган мутахассислар қаторида Андони Ираола, Марку Силва ва Хаби Алонсо бор.

Ираола мавсум якунлангач «Борнмут»ни тарк этади — бу ҳақда аллақачон эълон қилинган. Силва «Фулхэм»дан кетиши мумкин, чунки унинг шартномаси июнь ойи охирида тугайди. Алонсо эса январь ойи ўрталарида «Реал»дан истеъфога чиқарилганидан бери клубсиз юрибди.

Ҳозирда «Челси» Премьер-лига турнир жадвалида саккизинчи ўринни эгаллаб турибди.