Еврокомиссия раҳбари Урсула фон дер Леен Германия канслери Фридрих Мерц билан агар Москва Украина билан Ғарб таклиф қилган 30 кунлик оташкесимга рози бўлмаса, “Шимолий оқим 2” газ қувурини тўсиб қўйиш имкониятини муҳокама қилди.
Бу ҳақда The Wall Street Journal газетаси Европа Иттифоқининг исми ошкор этилмаган расмийларига таяниб ёзди, деб хабар беради “Репорт”.
"Фон дер Леен жума куни Брюсселга ташриф буюрган Германия янги канслери Фридрих Мертс билан блок (ЕИ - таҳр.) "Шимолий оқим 2" га қарши санкциялар жорий этиш ғоясини муҳокама қилди", дейилади хабарда.
Нашрнинг ёзишича, “Шимолий оқим-2” бўйича санкциялар ЕИнинг яқинда таклиф қилган Россияга қарши санкциялар пакетидан алоҳида амалга оширилади. Манбаларнинг таъкидлашича, агар Россия Украина билан ўт очишни тўхтатиш келишувидан воз кечса ёки “бузса” юқорида қайд этилган чора амалга оширилади.
Ортиқхўжаев янги лавозимда иш бошлагани айтилмоқда
Россия ва Хитой АҚШнинг “Олтин гумбаз” лойиҳасига қарши чиқди
Путиннинг "ярашув"и тугади. Уруш яна бошланмоқда
