WSJ: БАА миллиардлаб долларлик Эрон активларини музлатиб қўйиши мумкин

БАА расмийлари Амирликларда сақланаётган миллиардлаб долларлик Эрон активларини музлатиб қўйишни кўриб чиқмоқда.

Бу ҳақда The Wall Street Journal манбаларга таяниб хабар берди. Манбаларга кўра, бундай қадам Теҳроннинг хорижий валюта ва глобал савдо тармоқларига киришини сезиларли даражада чеклаши мумкин.

БАА Эрон активларини қачон музлатиб қўйиши мумкинлиги ҳозирча номаълум. Амирликлар расмийлари аввалроқ санкциялар тизимига амал қилишларини ва глобал молия тизимининг яхлитлигини ҳимоя қилишга қатъий содиқ эканликларини билдиришган.

WSJнинг бир нечта манбалари БАА расмийлари ноқонуний Эрон операцияларини чеклаш чораларини ҳам кўриб чиқаётганини аниқлашди. Буларга АҚШда жойлашган сояли компанияларнинг активларини музлатиш, шунингдек, расмий банк каналларидан ташқарида пул ўтказиш учун ишлатиладиган маҳаллий валюта биржаларига чекловлар киради. Агар БАА бундай чораларни қўллашга қарор қилса, Ислом инқилоби қўриқчилари корпуси билан боғлиқ ҳисоблар нишонга олинади, деб қўшимча қилишди газета манбалари.

Молиявий санкциялардан ташқари, БАА Эроннинг сояли флотини ишдан чиқариш учун Эрон кемаларини мусодара қилишни ҳам кўриб чиқмоқда, деб хабар берди kommersant.ru.