Володин: Биз Путинга қилинган ҳужумларни Россияга қарши тажовуз деб биламиз

Давлат Думаси спикери Вячеслав Володин Россия етакчиси Владимир Путинга қилинган ҳар қандай ҳужум Россияга қарши тажовуз сифатида баҳоланишини айтди.

“Биз Россия президентига қилинган ҳар қандай ҳужумни мамлакатимизга қарши тажовуз деб биламиз”, — деб ёзди у Телеграм-каналида.

Володиннинг сўзларига кўра, Вашингтон ва Брюссел санкциялар ва душманлик ҳаракатларининг барча имкониятларини тугатган.

"Улар Россия Федерацияси фуқароларини синдира олмадилар ва мамлакатимиз иқтисодиётини йўқ қила олмадилар", деди у.