Венесуэла кўплаб маҳбусларни озод қилди

Венесуэла Миллий Ассамблеяси (Парламент) раиси Хорхе Родригес қамоқдаги венесуэлалик ва хорижий фуқароларнинг катта қисмини озод қилиш тўғрисидаги қарорни эълон қилди.

Родригес бу ҳақда Venezolana de Television каналида баёнот берди.

"Миллий бирлик ва тинч-тотув яшаш учун амалга оширишимиз керак бўлган саъй-ҳаракатларни осонлаштириш ва ҳамкорлик қилиш мақсадида Боливар ҳукумати давлат органлари билан биргаликда Венесуэлалик ва хорижий фуқароларнинг катта қисмини озод қилишга қарор қилди", деди Родригес.

Парламент раиси ушбу қарорни Республика тинчлиги ва фаровонлигини қўллаб-қувватлашга ҳисса сифатида кўришга чақирди. У маҳбусларни озод қилиш аллақачон бошланганини эълон қилди.

3 январь куни Қўшма Штатлар Венесуэладаги фуқаролик ва ҳарбий нишонларга ҳужум қилди. Венесуела ташқи ишлар вазири Иван Гил Пинто Вашингтоннинг ҳаракатларини ҳарбий тажовуз деб атади ва мамлакатда фавқулодда ҳолат эълон қилди. АҚШ президенти Дональд Трамп ҳужумларни тасдиқлади. Вашингтон Венесуэла президенти Николас Мадуро ва унинг рафиқасини қўлга олиш ва мамлакатдан олиб чиқиш операциясини ўтказди.