Оқ уйнинг стратегик алоқалар бўйича координатори Жон Кирби CNN телеканалига берган интервьюсида Вашингтон Украинадаги кескинлашув Россия ва АҚШ ўртасидаги можарога айланиб кетишини истамаслигини айтди.
"Биз энг кам истайдиган нарса - Украинадаги можаронинг АҚШ ва Россия ўртасидаги бирор нарсага айланиб қолиш даражасига кўтарилиши", - дея унинг сўзларидан иқтибос келтирган РИА Новости.
14 март куни АҚШ Европа қўмондонлиги Россиянинг Су-27 самолёти Қора денгиз узра Американинг MQ-9 учувчисиз учоғи парвонасига урилгани, шундан сўнг дрон сувга қулагани ҳақида маълум қилди.