Колумбия округи (Вашингтон) бош прокурори Карл Расин АҚШнинг амалдаги президенти Дональд Трампнинг тўнғич ўғли кичик Дональд Трампни сўроқ қилмоқчи.
“Washington Post” газетаси бу ҳақда Бош прокуратура идорасига асосланиб хабар бермоқда.
“Кичик Трампга 2017 йил январида отасининг инаугураьиясини ўтказиш учун йиғилган маблағларни ноқонуний ўзлаштирганлиги тўғрисида сўроқ қилиниши ҳақида хабар берилди”, дейилади маълумотда.
Терговчиларнинг фикрича, инаугураьия учун маблағ йиғиш қўмитаси “Trump Organization” компаниясига тегишли меҳмонхонадаги зиёфат зали, хоналар ва бошқа сарф-харажатлар учун 1 миллион доллардан кўпроқ маблағ сарфлаган.