"Ваҳшиёна": Ирландия ташқи ишлар вазири Исроилнинг Ғазодаги ҳаракатларини қаттиқ қоралади

Ирландия ташқи ишлар вазири Симон Ҳаррис бугун парламентда кучли нутқ сўзлаб, Исроилнинг Ғазодаги ҳаракатларини кескин танқид қилди.

Қуйида у билдирган асосий фикрлар келтирилган:

Ҳаррис Исроилнинг Ғазодаги ҳаракатларини "ваҳшиёна" ва инсон қадр-қимматини оёқ ости қилиш деб атади.

Унинг таъкидлашича, Исроил тиббиёт ходимлари, журналистлар ва болаларни нишонга олмоқда, вазиятни эса "кечаю кундуз кузатиш мушкул" деб таърифлади.

У Исроилнинг гуманитар ёрдам етказишни тўсишини "халқаро ҳуқуқнинг очиқдан-очиқ бузилиши" деб баҳолади.

Унинг огоҳлантириши бўйича, агар вазият шу зайлда давом этса, Ғазода 15 минггача бола ҳалок бўлиши мумкин.

У босиб олинган Ғарбий қирғоқдаги Исроил амалиётларини ҳам қоралади.

У Ирландиянинг икки давлат ечимини қўллаб-қувватлашини яна бир бор таъкидлади.

У Исроил манзилгоҳларидан келтирилган маҳсулотларни тақиқлаш бўйича қонун лойиҳасини ишлаб чиқиш режаларини эълон қилди.