“Uzbekistan Airways” Зоминга мунтазам парвозларни йўлга қўйди

“Uzbekistan Airways” Зоминга мунтазам авиақатновларни йўлга қўйди. Бу ҳақда авиакомпания матбуот хизматида хабар берилди.

Таъкидланишича, парвозлар эртага, 7 сентябрдан бошлаб амалга оширилади.

HY1001/1002 қатновлари ҳар куни қуйидаги йўналишларда амалга оширилади:

Тошкент – Зомин – Самарқанд;

Самарқанд – Зомин – Тошкент.

Маълум қилинишича, бир томонлама авиачипта нархи 105 000 сўмдан бошланади.

Эслатиб ўтамиз, аввалроқ Жиззах вилоятида Зомин аэропорти очилгани хабар қилинган эди. Аэропорт 30 ўринга мўлжалланган йўловчи терминалига эга.