Ҳозиргача Россиянинг турли шаҳарларидан келган ўнлаб муниципал депутатлар Путиннинг истеъфосини талаб қилишди.
"География жуда кенгайди — Нижный Новгороддан Якутск, Новосибирск ва Томскгача", - деди петиция муаллифи Ксения Торстрем интервьюда.
Мурожаат матни қуйидагича: "Биз, Россия муниципал депутатлари, президент Владимир Путиннинг хатти-ҳаракатлари Россия ва унинг фуқаролари келажагига зарар етказади, деб ҳисоблаймиз. Биз Владимир Путиннинг Россия Федерацияси Президенти лавозимидан истеъфога чиқишини талаб қиламиз!".