Умар Кремлёвга Латвияга кириш тақиқланди

Халқаро бокс ассоциацияси (IBA) президенти Умар Кремлёв, шунингдек хоккейчи Александр Овечкинга Латвия ҳудудига кириш тақиқланди.

Бу ҳақда Латвия ташқи ишлар вазири Байба Браже маълум қилди.

У ўзининг ижтимоий тармоқдаги саҳифасида шундай ёзди:

"Мен қуйидаги шахсларни номақбул шахслар (persona non grata) рўйхатига киритиш ва уларнинг Латвияга киришини номаълум муддатга тақиқлаш ҳақида қарор қабул қилдим: Александр Овечкин ва Умар Кремлёв. Бу қарор Иммиграция тўғрисидаги қонуннинг 104-моддаси 3-қисми 1-банди асосида қабул қилинди".