Харков вилояти Гоптовка назорат пунктида Россия ва Украина фуқаролари қўлга олинди. Улар ўлган қариндошининг мурдасини йўловчи қилиб кўрсатиб олиб чиқиб кетишга уринишган. Бу ҳақда Украина Давлат чегара хизмати Шарқий ҳудудий бошқармаси маълум қилди.
Россияда рўйхатдан ўтган “Ford” автомобили ўша ердан келган. Рулда Россия Федерацияси фуқароси ва унинг ўғли, орқа ўриндиқда эса Украина фуқароси йўловчи сифатида ўтирган бўлган.
Текширувда чегара назоратчилари орқа ўриндиқда ўлик аёлнинг жасадини топишган. Жасадга тирик одам каби хавфсизлик камари тақиб қўйилган бўлган. Аниқланишича, мурда рулда ўтирган эркакнинг рафиқаси бўлиб, жасад топилгач, жиноятчи аёлининг ўлими ҳақидаги гувоҳномани кўрсатган.
Эркак суриштирув давомида хотинини Запорожск вилоятида дафн этиш учун уни шу ҳолатда мамлакат ҳудудидан олиб чиқмоқчи бўлганини айтган.
Ҳозирда тергов ҳаракатлари давом эттирилмоқда, полиция ходимлари Жиноят кодексининг 115-моддаси ("қасддан ўлдириш") билан жиноят иши очиш ёки очмаслик тўғрисида қарор қабул қилмоқдалар.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Гарри Каспаров террорчи сифатида тан олинди
