Россиянинг Украинага қарши босқини бошланганидан буён камида 707 нафар украиналик бола ҳалок бўлган. Бу ҳақда Украина расмийлари маълум қилди.
Шунингдек, уруш оқибатида минглаб болалар турли даражада жароҳат олган. Ҳужумлар натижасида турар жойлар, мактаблар, болалар боғчалари ва тиббиёт муассасаларига ҳам катта зарар етган.
Украина томонининг таъкидлашича, болалар ўртасидаги қурбонлар сони фронт чизиғига яқин ҳудудларда ва доимий равишда ракета ҳамда дрон ҳужумларига учраётган шаҳарларда юқори бўлиб қолмоқда.
Халқаро ташкилотлар болалар қурбонлари сони амалда бундан ҳам кўпроқ бўлиши мумкинлигини қайд этмоқда. Чунки айрим босиб олинган ёки жанговар ҳаракатлар давом этаётган ҳудудлардан аниқ маълумот олиш имкони чекланган.
БМТ ва бошқа халқаро ташкилотлар тинч аҳоли, айниқса болаларни ҳимоя қилиш халқаро гуманитар ҳуқуқнинг асосий талабларидан бири эканини таъкидлаб келмоқда. Урушнинг тўртинчи йилига ўтаётган Украинада болалар орасидаги қурбонлар ва жабрланганлар сони ўсиши халқаро ҳамжамиятда жиддий хавотир уйғотмоқда.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
