Украинада икки генерал ва бир подполковник қўлга олинди

Украина Давлат тергов бюроси 2024 йилда русларга Харков вилоятининг бир қисмини босиб олишга йўл қўйиб берган генералларни ҳибсга олди.

Давлат тергов бюроси (ДТБ) Украина Хавфсизлик хизмати билан биргаликда Россия ҳарбийларига Харков вилояти ҳудудининг бир қисмини босиб олишга имкон беришда гумон қилинаётган собиқ қўмондонлар: икки генерал ва бир полковникни ҳибсга олди.

Бундан ташқари, Давлат тергов бюросининг хабар беришича, қўмондонларнинг хатти-ҳаракатлари шахсий таркиб ва ​​қурол-яроғларнинг йўқолишига олиб келган ва улар жавобгар бўлган ҳудудда давлат чегарасини ҳимоя қилиш чораларини бузган.

"Украина ҳақиқати" нашрининг ёзишича, гап бригада генерали Юрий Галушкин, генерал-лейтенант Артур Горбенко ва полковник Иля Лапин ҳақида кетмоқда.