Украина билан музокараларни Россия тўхтатмади. Киев тайёрлигини билдириши билан Москва музокаралар столига қайтади. Бу ҳақда Россия Ташқи ишлар вазири ўринбосари Андрей Руденко маълум қилди.
“Биз музокаралар жараёнини тўхтатмадик. Буни украиналик ҳамкорларимиз тўхтатиб қўйишди. Улар музокаралар столига қайтишга тайёр эканликларини билдиришлари билан биз ижобий жавоб берамиз”, дейди Руденко.
Эслатиб ўтамиз, жорий йилнинг 17 май куни Россия Ташқи ишлар вазири ўринбосари Андрей Руденко Украина билан музокаралар тўхтатилганини, улар ҳеч қандай шаклда олиб борилмаётганини маълум қилганди.
Шундан сўнг, Украина Президенти девони маслаҳатчиси Михаил Подоляк брифингда Андрей Руденконинг сўзларини тасдиқлаб, Киев Россия дунёдаги сиёсий жараёнларда салбий роль ўйнагани туфайли у билан музокараларни тўхтатганини айтиб ўтди.
Тожикистонда баҳорги муддатли ҳарбий хизматга чақирув режаси 70 фоизга бажарилди
Дин ишлари бўйича қўмита ходимлари ўртасида жанжал келиб чиқдими?
Аriston компанияси миллийлаштирилгач, Россия элчиси Италия ТИВга чақиртирилди
