Украина ва Исроил икки томонлама муносабатларни муҳокама қилди

Украина президенти Владимир Зеленский Исроил бош вазири Бинямин Нетаняху билан телефон орқали суҳбатлашди.

Бу ҳақда президент матбуот хизмати 28 январь, сешанба куни маълум қилди.

Ушбу маълумотга кўра, томонлар икки томонлама масалаларни ва келгусидаги алоқаларни, авваламбор, АҚШ президенти Дональд Трамп билан бўладиган учрашувларни муҳокама қилишди.

Президент Зеленский, исроиллик гаровга олинганларни озод қилиш жараёнининг бошланишини кутиб олиб, одамларнинг уйларига қайтиши ва ўз оилалари билан учрашишининг аҳамиятини таъкидлади. У қолган исроилликларни ҳам тез орада озод қилишга умид билдирди.

«Барқарор ва узоқ муддатли тинчликни таъминлаш жуда муҳимдир, шунда одамлар хавфсизликда яшай олишади», — деди Зеленский.

Президент, шунингдек, Нетаняхуга ўзининг Аушвиц-Биркенау концлагерининг озод қилинишиининг 80 йиллигига бағишланган тадбирларда иштирок этганини айтиб, Ҳолокостдаги фожиа муносабати билан бош вазир ва бутун исроиллик халқга таъзия билдирди.