Украина президенти Владимир Зеленский Киев ва АҚШнинг мудофаа саноати компанияси Lockheed Martin қурол-яроғни қўшма ишлаб чиқаришни йўлга қўйиш устида иш олиб бораётганини маълум қилди.
Зеленский АҚШда Lockheed Martin раҳбарияти билан учрашди. Унинг сўзларига кўра, музокараларда қурол-яроғни қўшма ишлаб чиқариш, технологиялар алмашинуви, шунингдек, Patriot ҳаво ҳужумидан мудофаа тизимлари бўйича ҳамкорлик масалалари муҳокама қилинган.
«Украина ҳаётларни ҳимоя қилишда бизга ёрдам бераётганлар билан бўлишадиган тажриба ва имкониятларга эга», — деди президент.
Зеленскийнинг таъкидлашича, Украина ва АҚШ жамоалари қўшма ишлаб чиқаришни тезроқ йўлга қўйиш ҳамда Украинанинг мудофаа салоҳиятини кучайтиришга қаратилган аниқ ечимлар устида аллақачон ишламоқда.
Президент, шунингдек, компанияга Украинага кўрсатаётган ёрдами учун миннатдорлик билдирди.
Lockheed Martin АҚШнинг энг йирик қурол-яроғ ишлаб чиқарувчиларидан бири бўлиб, унинг маҳсулотлари қаторига ATACMS ракеталари, HIMARS реактив залп ўт очиш тизимлари, F-16 қирувчи самолётлари ва Patriot мажмуалари учун ракеталар киради.
Аввалроқ Зеленский АҚШ президенти Дональд Трамп билан учрашувида Украинада Patriot мажмуалари учун тутиб қолувчи ракеталарни лицензия асосида ишлаб чиқариш имконияти ҳам муҳокама қилинганини маълум қилган эди.
Илон Маск Украинага Россиянинг ичкарисига зарба бериш учун Starlink тақдим этишдан бош тортди
Япония аҳолисини жадал суръатда йўқотмоқда
Путин ва Лукашенкодан "қутулиш" керак
