Россия Украина шаҳарларини ўққа тутишда КХДРдан етказиб берилган камида 24 баллистик ракетадан фойдаланган. Бу ҳақда Украина бош прокурори Андрей Костин маълум қилди. Унинг фикрича, бу КН-23/24 ракеталари бўлиши мумкин, деб хабар беради «Интерфакс-Украина».
Костиннинг сўзларига кўра, ракеталарнинг Шимолий Кореядан келиб чиқиши уларнинг қолдиқларида топилган белгилар билан кўрсатилган. Буни улар келтириб чиқарадиган вайронагарчиликнинг табиати ва даражаси ва уларнинг парвоз йўли ҳам тасдиқлайди.
Костиннинг таъкидлашича, жами 2023 йил 30 декабрдан 2024 йил 7 февралгача бўлган даврда Россия қўшинлари ушбу турдаги ракета билан Украинанинг етти вилоятига камида 12 марта зарба берган. Бош прокурорга кўра, энг йирик ҳужум 7 февраль куни содир бўлган.
