Учта давлат Трампни Эронга зарба бермасликка кўндирди

Саудия Арабистони, Қатар ва Умон АҚШ президенти Дональд Трампни Эронга ҳужум қилмасликка кўндириш ва Теҳронга "яхши ниятларини намоён этиш учун имконият бериш" мақсадида "катта дипломатик саъй-ҳаракатлар"ни амалга оширди.

Бу ҳақда Agence France-Presse саудиялик манбага таяниб маълум қилди.

Манбанинг айтишича, ушбу уч давлат кескинлашув юз берган тақдирда минтақада "жуда жиддий оқибатлар" бўлиши мумкинлиги ҳақида Вашингтонни огоҳлантирган. Шунингдек, эришилган ишончни мустаҳкамлаш ва ижобий кайфиятни сақлаб қолиш учун музокаралар давом этаётгани қўшимча қилинган.

Аввалроқ Дональд Трамп Ислом Республикасига нисбатан куч ишлатиш имкониятини жиддий кўриб чиқаётганини маълум қилган эди.