Сурияда 24 йил ҳукмронлик қилган Башар ал-Асад режими ағдарилгач, Туркиядаги суриялик қочқинлар оммавий равишда ўз юртларига қайтишни бошлади. Бу ҳақда Qazaqstan.tv хабар беради.
Туркиянинг шарқидаги 10 йилдан ортиқ вақтдан бери ёпилган бир қанча чегара пунктлари одамларнинг бемалол ўтиши учун қайта очилди. Туркия Ички ишлар вазирлиги маълумотларига кўра, сўнгги кунларда чегарани кесиб ўтмоқчи бўлганлар сони 5 баробарга ошган.
Расмий маълумотларга кўра, фуқаролар урушидан қочиб Туркияда бошпана топган суриялик қочқинлар сони 3 миллиондан ошади.
