Бугун 21 ноябрь, 2026 йил, шанба

O'ZB

Туркияда автобус ва бензовоз тўқнашди

Туркияда автобус ва бензовоз тўқнашди

Туркиянинг Кайсери вилоятида йўловчи автобуси ва бензин ташувчи автоцистерна иштирокида йирик ЙТҲ содир бўлди. Оқибатда 35 киши жароҳатланди.

Ҳодиса Кайсерининг Меликгази туманидаги Осман Кавунжу бульварида, Кайсери саноат зонаси чорраҳасида рўй берган. Жизредан Анқарага йўл олган йўловчи автобуси бензин ортилган автоцистерна билан тўқнашган.

Воқеа жойига кўплаб тез ёрдам, полиция ва ўт ўчириш бригадалари жалб қилинган. Жароҳатланган 35 киши Кайсеридаги турли шифохоналарга етказилган.

Тўқнашув оқибатида автоцистерна ағдарилиб, ундаги ёқилғи йўлга тўкилган. Маҳаллий коммунал хизматлар бензинни тозалаш ишларини бошлаган.

Киритилди: 12:04 25.08.2026. Ўқилди: 764 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар