Туркия Марказий банки асосий ставкани 50 фоизга оширди

Туркия Марказий банки асосий ставкасини йиллик 45 фоиздан 50 фоизга оширди. Регулятор уни 2023 йил июнь ойидан бери камайтирмаган.

«Февраль ойида ойлик инфляция тенденцияси кутилганидан юқори бўлди. <...> Хизмат кўрсатиш соҳасидаги инфляция, инфляция кутилмалари, геосиёсий рисклар ва озиқ-овқат нархларининг ошиши инфляция босимини қўллаб-қувватламоқда», — дейилади Марказий банк баёнотида.

Регуляторнинг аниқлик киритишича, қаттиқ пул-кредит сиёсати инфляция тенденциясининг сезиларли ва барқарор пасайишига эришилгунга қадар давом этади. Агар прогнозлар ёмонлашса, чоралар кучайтирилади.