Қозоғистон ва АҚШ президентлари Қосим-Жўмарт Тўқаев ва Дональд Трамп ўртасида Россия-Украина уруши атрофидаги вазиятни муҳокама қилиш учун узоқ давом этган телефон суҳбати бўлиб ўтди.
Бу ҳақда "Акорда" нашри хабар бермоқда.
"Қозоғистон ва АҚШ президентлари икки томонлама кун тартиби ва жорий халқаро вазият, жумладан, Украина масалалари юзасидан атрофлича фикр алмашдилар. Қосим-Жўмарт Тўқаев жорий йилнинг ноябрь ойида Вашингтонга ташрифи чоғида эришилган келишувларни тўлиқ амалга ошириш тарафдори эканини тасдиқлади", — дейилади хабарда.
Тўқаев Россия-Украина можаросини ҳал этишнинг мураккаблигини, бунда ҳудудий масала энг муҳими ва фронтдаги реал вазиятни ҳисобга олган ҳолда ҳар икки томоннинг муросага келишини таъкидлади. У, шунингдек, барча иштирокчи томонларни сабр-тоқат, мослашувчанлик ва профессионалликни намойиш этишга ва тинчлик формуласини излашни давом эттиришга чақирди. Шунингдек, у Қозоғистон воситачи сифатида ишламаётганини, бироқ керак бўлса, можаро томонлари учун музокаралар олиб бориш платформасини тақдим этишга тайёрлигини таъкидлади.
Қозоғистон президенти, шунингдек, Трампнинг бир қанча халқаро ҳарбий можароларни тугатиш ва АҚШнинг ички салоҳиятини мустаҳкамлашда ижобий натижаларга эришиш имконини берган ажойиб етакчилик фазилатларини қайд этди.
Суҳбат якунида Тўқаев Трампга ўзига қулай вақтда Қозоғистонга ташриф буюришни таклиф қилди.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия дарҳол ҳарбий ҳаракатларни тўхтатишга тайёр,
