Ижтимоий тармоқларда "Тўпаланг" сув омборидан сув чиқаётганлиги тўғрисида маълумотлар тарқалди.
Фавқулодда вазиятлар вазирлигининг маълум қилишича, бугун, 22 июнь куни соат 08:14ларда "Тўпаланг" сув омборидан чиқаётган сув кескин кўтарилган.
"Тўпаланг" ГЕС сув омбори лойиҳаси қуввати 400 млн.м.куб, амалда 378,87 млн. м.кубдир. Сув ташламаси режавий 70 м.куб.сек. 2022-йил 22-июн куни ҳозирги вақтда 110 м.куб сек.ни ташкил этмоқда.
Сув омборининг мустаҳкамлигига зиён етмаган, айни вақтда чиқарилаётган сув ҳажмини камайтириш ишлари олиб борилмоқда.