Трампнинг чақириғига қарамай, йирик нефт компаниялари Венесуэлага қайтишга шошилмаяпти. Бу ҳақда CNN хабар бермоқда.
АҚШ президенти Доналд Трампнинг сўзларига кўра, бундай лойиҳалар 18 ой ичида амалга оширилиши мумкин. Бунинг учун катта маблағ керак бўлади.
Хабар берилишича, президент Доналд Трампнинг АҚШ компанияларини Венесуэла нефтини қазиб олишга жалб қилиш режалари соҳа вакиллари томонидан шубҳа билан қарши олинмоқда. Нефт нархларининг пастлиги, сиёсий ноаниқлик ва вайрон бўлган инфратузилма Венесуэлага инвестицияларни хавфли ва қиммат қилади.
Ҳозирча Венесуэлада фаолият юритаётган ягона АҚШ компанияси Chevron бўлиб қолмоқда.
Манбаларга кўра, Exxon Mobil, ConocoPhillips ва Chevron Венесуэладаги фаолиятини кенгайтиришга эҳтиёткорлик билан муносабатда бўлмоқда.
