Трампга суиқасд қилишда айбланувчи арман бўлиб чиқди

Президентликка номзод Доналд Трампга учинчи марта суиқасд қилишда айбланаётган 49 ёшли Вем Миллер Fox News Дигиталъга берган интервьюсида унга қарши айбловлар ёлғон эканини айтди.

Миллернинг қурол сақлашда айбланиб ҳибсга олиниши июль ойидан бери Трампга қилинган иккита муваффақиятсиз суиқасддан кейин спекуляцияларга сабаб бўлди. "Мен ҳар доим юк машинам кузовида қурол билан юраман," - деди Миллер Fox News Дигиталъга берган интервьюсида.

Миллернинг айтишича, у 30 йилдан бери оммавий ахборот воситаларида ишлайди. Шунингдек, у етакчи санъаткорлар билан мусиқий клиплар ва телекўрсатувлар устида ишлаган ва оммавий ахборот воситаларида "цензура"га қарши курашиш учун "America Happens Network" лойиҳасини ишга туширган.

Ундан машинасидаги барча қалбаки шахсий гувоҳномалар ва паспортлар ҳақида сўрашганда, Миллер уларнинг ҳеч бири қалбаки эмаслигини айтди.

Миллер миллати арман эканлигини ва унинг тўлиқ арманча исмини кўрсатадиган ҳужжатлари борлигини айтди.

Миллернинг сўзларига кўра, у бугунги кунда «кўпроқ республикачи» ва «100%» АҚШнинг собиқ президенти ва президентликка номзод Доналд Трампни қўллаб-қувватлайди.