АҚШ президенти Доналд Трампга алоқадор Америка нефт компанияси маҳаллий ҳокимиятдан рухсат олмасдан Гренландияда қудуқлар бурғулашга тайёргарлик кўрмоқда. Трамп ушбу оролга нисбатан даъволарини тўхтатмаётган бир вақтда, оролнинг шарқий соҳилига бурғулаш ускуналари олиб келинди, дея хабар беради нашр.
2025 йилда Техас штатида ташкил этилган Greenland Energy компанияси оролда 1 триллион долларлик нефт захираси бўлиши мумкинлигини даъво қилмоқда. Компания иккита қудуқ бурғулаш учун 60 миллион доллар ажратишни режалаштирган.
Мазкур ҳолат Гренландия ҳукуматининг кескин эътирозига сабаб бўлди. Ҳукумат оролга нефт бурғулаш ускуналари олиб кирилишига ҳеч қандай рухсат берилмаганини таъкидлади.
Гренландия 2021 йилда экологик сабабларга кўра янги нефт конларини ўзлаштириш учун лицензиялар беришни тўхтатган эди. Бироқ Буюк Британиянинг 80 Мile компанияси муқаддам ушбу ҳудудда қидирув ҳуқуқини олган. Greenland Energy эса лойиҳани молиялаштириш эвазига унда кўпчилик улушга эга бўлишини билдирмоқда. Шунга қарамай, ишни бошлаш учун ҳудуд ҳукумати рухсати керак.
Гренландия ҳукумати олиб келинган ускуналарни қайтариб юборишни "ҳозирча шарт эмас", деб ҳисобламоқда. Рухсатнома бериш бўйича ариза кўриб чиқилмоқда. Компания вакилининг сўзларига кўра, барча рухсатлар олинса, октябр ойида бурғулаш ишлари бошланади.
Доналд Трамп иккинчи муддатга АҚШ президенти лавозимига келганидан бери Гренландия Дания учун эмас, Қўшма Штатлар учун муҳим, дея оролни қўшиб олиш ғоясини илгари суриб келмоқда.
Олимлар Ер аҳолиси сонини босқичма-босқич камайтириш ғоясини илгари сурди
Илон Маск Украинага Россиянинг ичкарисига зарба бериш учун Starlink тақдим этишдан бош тортди
"Ҳей, деди, Трампингни гапигаям..., деди" - Нетаньяху Трампнинг чақириғига қарамай, Ғазога ҳужумларни тўхтатишдан бош тортди
