Axios ва CBS манбаларига кўра, Дональд Трамп 22 май куни Пентагон ва Марказий разведка бошқармаси раҳбарлари билан Эронга қарши янги эҳтимолий ҳужумларни муҳокама қилган.
Хабарларга кўра, Оқ уй ҳатто президентнинг дам олиш кунлари режасини ўзгартириб, ҳарбий ва разведка амалдорлари билан учрашувлар тайинлаган. Трамп Ню-Жерсидаги гольф ўйини ва ўғлининг тўйида иштирок этишни ҳам бекор қилган.
Манбаларнинг таъкидлашича, агар музокараларда “сўнгги дақиқадаги ютуқ” бўлмаса, АҚШ Эронга қарши янги ҳарбий ҳаракат бошлаши мумкин.
Шу билан бирга, Қатар ва Уммон воситачилик жараёнларида фаол иштирок этмоқда. Reuters маълумотига кўра, Қатар делегацияси Вашингтон билан мувофиқлаштирилган ҳолда Теҳронга келган.
Bloomberg эса Саудия Арабистони ва БАА Трампни дипломатик музокараларга кўпроқ вақт беришга чақирганини ёзмоқда.
Аввалроқ Ислом инқилоби қўриқчилари корпуси АҚШ ёки Исроил ҳужумларни қайта бошласа, минтақада “вайронкор жавоб зарбалари” бўлишидан огоҳлантирган эди.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Куба АҚШга «қонли қирғин» билан таҳдид қилди
