Трамп: "Сурия халқи учун катта иш қилиш вақти келди"

Оқ уй матбуот котиби Керолин Левитт Х ижтимоий тармоғида Америка етакчиси Дональд Трамп Ар-Риёдда Сурия маъмуриятининг янги раҳбари Аҳмад аш-Шараъа билан учрашувда Сурия расмийларини Исроил билан муносабатларни нормаллаштиришга чақирганини айтди.

"ТАСС"нинг ёзишича, Трамп Сурия президентини "Сурия халқи учун катта иш қилишга" чақирган.

Жумладан, у мамлакат "Исроил билан Иброҳим келишувларини имзолаши" кераклигини таъкидлади.

Бундан ташқари, Трамп уни АҚШга "ИШИДнинг қайта тикланишига йўл қўймаслик"да ёрдам беришга чақирди.