АҚШ президенти Дональд Трамп Россия президенти Владимир Путинга можарога барҳам бериш учун муддат белгилаганини айтди. Бироқ, у масаланинг "дипломатик нозиклиги"ни ҳисобга олиб, аниқ санани айтмади.
Сальвадор президенти Найиб Букеле билан учрашувда Америка президенти шундай деди: "Мен Путинга ўт очишни тўхтатиш муддатини белгилаб қўйдим".
У ўз нутқида АҚШнинг собиқ президенти Жо Байден ва Украина президенти Владимир Зеленскийни можаро бошланишида айбдор деб атади. Шу билан бирга, жаноб Трамп Украина ва Россия ўртасидаги жанговар ҳаракатларни тугатиш бўйича "жуда яхши таклифлар" кутаётганини таъкидлади.
Bloomberg ва The Economist нашрларининг хабар беришича, АҚШ келишувни 20 апрелгача, православ ва католикларнинг Пасха куни ёки 30 апрелгача, Дональд Трампнинг президентлик лавозимига киришганига 100 кун тўлиши муносабати билан тузишга умид қилмоқда. Ўтган ҳафта жаноб Трамп Украинадаги жанглар "мантиққа тўғри келмайди" ва Россия ўт очишни тўхтатишга ҳаракат қилиши кераклигини айтди.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
Ван Дамм Путинга мурожаат қилди
Исроил вазири ўз қизини зўрлаганликда айбланмоқда
