Трамп Путин билан телефон орқали мулоқот ўтказишини маълум қилди

АҚШ президенти Дональд Трамп Россия президенти Владимир Путин билан телефон орқали мулоқот ўтказишни режалаштирганини маълум қилди.

"Менда телефон орқали мулоқот режалаштирилган", — деди Трамп Оқ уйда журналистларнинг саволларига жавоб берар экан.

АҚШ раҳбари, шунингдек, бугун Владимир Путиннинг туғилган куни эканини таъкидлади.

Путин 7 октябрь куни 74 ёшга тўлди. Уни туғилган куни билан бир қатор жаҳон етакчилари табриклади.

Улар орасида Қозоғистон президенти Қосим-Жомарт Тоқаев, Туркия президенти Ражаб Тоййиб Эрдоған ва Арманистон бош вазири Никол Пашинян бор.

Шунингдек, Беларусь президенти Александр Лукашенко, КХДР раҳбари Ким Чен Ин ҳамда бошқа хорижий давлат ва ҳукумат раҳбарлари ҳам Путинни туғилган куни билан табриклади.