Трамп Олий суднинг тариф бўйича қарорини "шарманда" деб атади

АҚШ президенти Дональд Трамп Олий суднинг хорижий товарларга тарифлар бўйича қарорини "шарманда" деб атади.

Америка етакчисининг муносабатидан хабардор манба NBC News телеканалига маълум қилди.

Хабарда шунингдек, АҚШ президенти иккала партиянинг бир гуруҳ губернаторлари билан учрашган ва уларга бугун эрталаб захира режаси борлигини айтганлиги айтилган.

Бугун эрталаб АҚШ Олий суди Трампнинг 2025 йилда хорижий товарларга тарифларни жорий этиш тўғрисидаги қарорини ноқонуний деб топди. Олти нафар судья бу фикрни билдирди, учтаси эса қарама-қарши фикрда.

Оқ уй ҳали бу қарорга расман изоҳ бермади.