АҚШ президенти Доналд Трамп Исроил Бош вазири Биньямин Нетаняҳуга нисбатан олиб борилаётган суд жараёнини «сиёсий афсун овчиси» деб баҳолади ва бу ишни дарҳол бекор қилиш ёки уни афв этиш лозимлигини билдирди.
Доналд Трамп 25 июнь куни Truth Social платформасидаги баёнотида Исроил Бош вазири Биньямин Нетаняҳуга қарши олиб борилаётган суд жараёнини танқид қилди. У бу жараённи «сайловлар олдидан сиёсий мақсадларда қўзғатилган таъқиб» деб баҳолади.
Трамп Нетаняҳуни «уруш даврининг буюк бош вазири» ва «қаҳрамон» деб атади. Шу билан бирга, у Эронга қарши курашда Нетаняҳу билан «дўзахдан ўтганини» эслатиб ўтди.
Баёнотда Трамп, Нетаняҳуга қўйилган айбловлар орасида «сигара, мультфильм қаҳрамони Багз Бани қўғирчоғи ва бошқа адолатсиз айбловлар» борлигини таъкидлади. Унинг фикрича, «шунча иш қилган инсонга нисбатан бундай афсун овини тасаввур қилишнинг ўзи қийин».
Нетаняҳуга қарши коррупцияга оид айбловлар 2023 йил декабридан бери кўриб чиқилмоқда. У аввал бу айбловларни «бемаъниликлар уммони» деб атаган ва рад этган. Суд жараёнлари ҳозиргача давом этмоқда.
Трамп Нетаняҳуга суд иши бекор қилиниши ёки уни «буюк қаҳрамон» сифатида афв этиш зарурлигини яна бир бор таъкидлади. Унинг баёноти АҚШ–Исроил муносабатларида сиёсий қўллаб-қувватлаш рамзи сифатида баҳоланмоқда.
Исроил Эрон билан уруш тугаганини расман эълон қилди
Эрон бутун Исроил бўйлаб зарбалар берди — Ислом инқилоби қўриқчилари корпуси
Эрон Исроилни мағлубиятга учратганини маълум қилди
