Трамп жамоаси Украинадаги урушни музлатиш ва 20 йил давомида НАТОга киришдан бош тортишни муҳокама қилмоқда

Дональд Трампга яқин бўлган учта билимдон манба The Wall Street Journal нашрига Украинадаги урушни тугатиш мавзуси қандай муҳокама қилинаётганини айтди. АҚШ президентлик сайловларида ғалаба қозонган республикачи ҳокимиятга келгач, жангларга тезда чек қўйишига бир неча бор ваъда берган эди.

Нашрнинг ёзишича, Трампнинг маслаҳатчилари ҳозирги фронт чизиғидаги можарони музлатиш ва Украинанинг камида 20 йил давомида НАТОга аъзо бўлишдан бош тортишини муҳокама қилмоқда. Бунинг эвазига Қўшма Штатлар Россиянинг потенциал янги тажовузкорлигини олдини олиш учун Киевни қурол-яроғ билан таъминлашда давом этади.

Шунингдек, Трамп атрофидагилар Украинада узунлиги 1,3 минг км бўлган демилитаризация зонасини яратишни таклиф қилмоқда. Бироқ, Америка қўшинлари ёки Қўшма Штатлар томонидан молиялаштириладиган бошқа ташкилотларнинг ҳарбий хизматчилари, хусусан, БМТ, унинг хавфсизлигини таъминлашда иштирок этмайди, дейди нашр суҳбатдошлари. «Биз америкалик эркаклар ва аёлларни Украинада тинчликни сақлаш учун юбормаяпмиз. Ва биз бунинг учун пул тўламаймиз. Поляклар, немислар, британияликлар ва французлар буни қилишга мажбур қилинглар», деди Трампнинг иттифоқдош манбаси WSJга.

Трамп бу режани ҳали маъқулламаган, дейилади мақолада ва унинг қарори, нашр суҳбатдошларига кўра, олдиндан айтиб бўлмайдиган бўлиши мумкин.