АҚШ президентининг исмини ошкор қилмаган расмийси CNBC телеканалига маълум қилишича, Хитой импортига умумий бож 145 фоизни ташкил этади.
Бу Доналд Трампнинг 9-апрелда Хитойга нисбатан базавий тарифларни 84 фоиздан 125 фоизга оширган янги фармони натижаси бўлди.
Янги чора-тадбирлар март ойидан бери амалда бўлган фентанилнинг Хитойдан Қўшма Штатларга жўнатилиши ҳақидаги айбловлар туфайли жорий қилинган 20 фоизлик тарифларга қўшимча равишда келади . Расмийнинг сўзларига кўра, бу Пекиннинг “қабул қилиб бўлмайдиган хатти-ҳаракатларига” иқтисодий жавобдир.
Шу билан бирга, Трамп 10 апрел куни ярим тундан бошлаб янги тарифларни жорий этишни режалаштирган бўлса-да, бошқа мамлакатларнинг аксарияти товарларига божларни оширишни вақтинча тўхтатди . Фақатгина Хитой бундан мустасно бўлиб, унга нисбатан қаттиқроқ чоралар тўлиқ кучга кирди.
Аввалроқ Хитой расмийлари “курашни давом эттириш”да қатъий эканликларини ва Вашингтоннинг ҳаракатларини “ўйламасдан” деб атаган ва глобал барқарорликка таҳдид солиб, ЖСТга норозилик билдиришганини билдирган эди. Юаннинг қулашини олдини олиш учун Хитой Халқ банки давлат банкларидан доллар сотиб олишни қисқартиришни сўради.
Жаҳон бозорлари савдо урушининг кучайишига салбий муносабатда бўлди, S&P 500 индекси пасайиш тенденциясига яқинлашди, доллар заифлашди ва инвесторлар ҳатто АҚШ Ғазначилик облигациялари каби анъанавий хавфсиз активларни ҳам сотишди.
Бундай оқибатларга қарамай, Трамп тарифларни “доимий” деб таърифлади ва улар бошқа мамлакатларни музокара столига ўтиришга мажбур қилишини таъкидлади.
