Трамп: "Балки биз Харк оролини эгаллаб олармиз"

АҚШ президенти Дональд Трамп Америка кучлари Эроннинг Харк оролини эгаллаб олишга уриниши мумкинлигини истисно қилмади.

Трамп бу ҳақда The Financial Times нашрига берган интервьюсида айтиб ўтди.

"Балки биз Харк оролини эгаллаб олармиз. Балки олмаймиз. Бизда кўп вариантлар бор", деди Трамп.

Унинг қўшимча қилишича, бундай ҳаракат оролда Америка кучларининг маълум вақт давомида бўлишини талаб қилади.

"Менимча, уларда ҳеч қандай мудофаа йўқ. Биз буни жуда осонликча эгаллаб олишимиз мумкин", деб қўшимча қилди АҚШ президенти.