“Трамп аҳмоқ!”

Трампнинг бўлажак сайловлардаги асосий рақиби Жо Байден президент Дональд Трампни оммавий тадбирларда ниқоб тақишни истамаганлиги учун кескин танқид қилди.

Бу ҳақда CNN хабар бермоқда.

"У нодон, мутлақо аҳмоқ ... Дунёдаги ҳар бир шифокор оломон ичида бўлганда ниқоб тақиш кераклигини айтмоқда. Президентлар аҳмоқ эмас, раҳбар бўлиши керак", деди Байден ўз интервьюсида.

Илгарироқ Трамп Байденни оммавий тадбирда ниқоб таққани учун устидан кулиб ёзилган кичик твитини эълон қилган, кейинчалик ушбу мавзу бўйича савол берган журналистдан савол беришдан олдин ниқобини ечишни талаб қилиб, уни таҳқирлашга уринган эди. Аммо журналист буни рад этган.

Таъкидланишича, президент ниқоб тақишдан бош тортибгина қолмай, балки уни таққанларни ҳам мазах қилган.

"Бу ҳаракат инсон ҳаёти билан ўлчанади", деди Байден ниқобни етакчилик рамзи деб атаган ҳолда президент бошқаларга ўрнак кўрсатиши кераклигини таъкидлар экан.