Тошкентни водий билан боғловчи йўлдаги кўприкнинг бир қисми қулаб тушди.
Ангрен шаҳрида А373 “Тошкент-Оҳангарон-Ангрен-Қўқон-Шаҳрихон-Андижон” йўлидаги “Қорабоғсой” кўприги четидаги охирги оралиқ қурилмаси, яъни пиёдалар йўлаги қулаб тушди.
Автомобиль йўллари қўмитаси хабарига кўра, кўприк 1969 йилда қурилган ва 1995 йилда таъмирланган. Ҳозир эса кўприк ҳолати қониқарсиз.
Шу сабабли А373 йўлига мос янги кўприк қуриш учун ушбу йўналиш бўйича автомобиллар ҳаракати чекланиб, ҳаракатланиш вақтинча Д019 автомобиль йўлига ўтказилган.
