Пойтахтда ноқонуний равишда жанговар ўқ-дориларни сотишга уринган шахс қўлга олинди. У харидорга ўқларни 1,3 минг доллар эвазига сотмоқчи бўлган.
Ички ишлар вазирлиги матбуот хизмати маълум қилишича, Чилонзор туманида ўтказилган тезкор-қидирув тадбири давомида 2001 йилда туғилган фуқаро харидорга калибри 5×45 миллиметр бўлган 22 дона жанговар ўқни сотган вақтда ушланган. Ашёвий далиллар белгиланган тартибда ҳужжатлаштириб олинган.
Аниқланишича, ушланган шахс муқаддам Сурхондарё вилоятида жойлашган ҳарбий қисмда портлатувчи-ҳайдовчи лавозимида ишлаган. Тезкор суриштирувлар жараёнида у ушбу ўқ-дориларни аввал бирга хизмат қилган ҳарбий ходимдан 10 миллион сўмга сотиб олгани маълум бўлди.
Мазкур ҳолат юзасидан фуқарога нисбатан Жиноят кодексининг 248-моддаси 3-қисми билан жиноят иши қўзғатилди.
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
АҚШ Эронга ядровий қурол ишлаб чиқаришдан сўзсиз воз кечиш эвазига бошқа имкониятни таклиф қилмоқда
Эрон ракеталарини яна ер ости базаларидан чиқармоқда — АҚШ уларни тўлиқ йўқ қила олмади — CNN
